Kan thudawnna in a sawidanin tukin khan Medical Team, Dr Elsadai Lalbersiama leh Dr Zonunmawia leh thawktu dang bak ah, Bungtlang South atangin Dr Johny bak ah Sample Collection Team ten Karlui-I hi thlengin, vawiin khan Sample 306 enfiah niin heng zinga mi 65 te chuan Covid 19 hri an kai tih finfiah an ni a, naktuk ah hrikai zawnchhuah hna hi thawh chhunzawm a ni ang.
Heng hrikai hmuhchhuah te hi thenkhat chu chhungkuate an niin, a remchandan in an mahni In ah khung hran an ni a, 4C ah te engemawzat dahluh niin, thliarfel hna hi Medical Team lam ten an la buaipui mek.
Medical Team te hmantur Motor pahnih chu LADC Sorkar chuan a ngaihtuahsaka, a tul anga puih an ngaihna ah LADC lam chuan theihtawp chhuahzel tur thu DM&R, LADC Nodal Officer Pu Thathluna Chinzah chuan The Lawngtlai Post a hrilh.