Hrilaka invenna zawm chungin Green LADC hi hman niin, CEM, Pu Manghmunga Chinzah chuan kumin ah ramkang nasatak LADC huamchhungah a awm a, kumdang aiin thingphun pawh uar a tul a ni a ti a, CEM hian thing phunna hmun hi fangin, LADC a Executive Member te pawn an enkawl Department te an ho bawk.
Vawiin hian thingtiak 250 phunin, thataka hung nghal vek a ni a, LADC hnuaia Department hrang hrangte chuan an thingphun theuh chu a puitlin hma chuan an enkawl chhunzawm dawn a ni.
Green LADC Day ah hian MJA Lawngtlai District te pawh I&PR, LADC nen inkawpin thing an phuntur ruahmansak an ni a, Executive Member I&PR Pu T.Lalengmuana hovin, thing an phun hmain, thing phun a enkawlzui a, thing leh mau ramhmul chereu zel venghimtura intiamna hun hmangin, Executive Member hohian thingtiak hi phun zui a ni.