Vawiin Inrinni May 22, 2021 hi, Lai Autonomous District Council a, Chief Executive Member, Pu Manghmunga Chinzah, piam champha, kum 72 a tlinna niin, Council Venga a chenna in sawmbik mitlemte te nen hun hman a ni a, hripui leng vangin Total Lockdown kalpui mek a nih vangin huamzau tak a hun hman a rem lova, sawmbik mitlemte nen Pathian hnen a lawmthu sawina neiin, CEM Pianchampha hi lawm a ni.
IT & Social Media Deptt. MNF Dist. Hqrs Lawngtlai thuchhuah a tarlan a nih dan chuan, nikum a LADC inthlanpui neih ah thlantlin a nih kha, Pu Manghmunga Chinzah hi, MDC a vawi sarih a tlinna a ni a, Chief Executive Member vawi thum ni tawh in, Chairman vawi hnih, Executive Member vawi khat a ni tawh a, President, MNF Dist. Hqrs. Lawngtlai te pawh lo nitawhin , tunah hian Adviser a ni mek a ni.
CEM Pianchampha puala hun hmanna ah hian, LADC Sorkar a mipawimawh, Pu T. Lalengmuana EM (LAD), Pu Sanghuliana Mualchin EM (PS), Pu V. Zathanga EM (MS), Pu K Hrekung EM (Rev), Pu C. Rongura EM (SW), Pu Lalropuia Chinzah EM (Agri.), Pu H. Lalmuansanga, Adviser to CEM, Pu LN Lalhmachhuana, Chairman (Town Committ) leh Pu H. Lalramfawna MDC te an tel ani.
Lalpan hriselna leh chakna te pein hruaiin awm pui zel che sela, damna, hriselna ṭha tak nena kan Ram leh Hnam tana i rawngbawlnate thawk a, hlenchhuak a, rei tak min dampui reng tur che-in duhsakna sâng ber kan hlan a che. tiin IT & Social Media Deptt. MNF Dist. Hqrs Lawngtlai chuan an thuchhuah ah an tarlang.