Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan nimin Inrinni khan dan bawhchhia mi 4 manin, he'ng an mi mante hi pawisa Rs. 400/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 667 man tawh niin, pawisa chawitir zat hi Rs 76,900/- a tling tawh a ni.
Dan bawhchhia mante hi vantlang hmuna hmai tuamna (mask) vuah tha lo an ni a. The Mizoram (Containment and Prevention of the Spread of COVID-19) Act, 2020 hmanga hrem thin an ni.
Zanlam ah pawh Lawngtlai Police te ngawrh takin an duty chhunzawm reng a, khawpuilunlai leh pengthuam ah te duty indahin, khawpui chhung an fang deuh reng bawk.
Tags
News