Hripui do nan LADC in theihtawp chhuahin hma a la mek

      Hripui lengmek ah hrido nan a hmalatute tha tichaktur leh, theihtawp a Hrido hna thawk turin Lai Autonomous District Council chuan ruahmanna hrang hrang siamin a kalpui mek

    Tunhnai a CEM, Pu Manghmunga Chinzah hova  Disaster Management & Relief Committee thukhawm chuan LADC hnuaia a ngheta thawkte Covid 19 donan an nikhat hlawh dil nise an ti a, Council  Member, MDC te an ni hnih hlawh dil ni bawk se an ti a, Sorkar hmasain Covid 19 Relief Committee a din chu kalpuizel nise an ti bawk.

    LADC a DM&R Nodal Officer, Covid 19 Relief Committee Secretary Pu Thathluna Chinzah hnen atanga thudawniin a tarlandanin, LADC Covid 19 donana CEM hova hmalakna tur rel zingah LADC in Laboratory Techinician pathum rawih nise a tih chu bawhzui nghal niin, District Hospital ah Laboratory Techinician pathum te hlawh chu thla thum chhung Council in a tumsak dawn a, tulpawimawhte tihfel a ni tawh.

    Vaccine pekchhuah mek ah Vaccine petute a tul ang angin Council Sorkar chuan puiin, tunkar chhung khan Saizawh Esat ah Vaccine hi pek niin, karleh Thawhlehni khian Vartekkai ah vaccine pein an kal anga, hemi ni vek hian Laitlang,Dumzau,Dumzautlang,Hmawngbuchhuah leh Zochachhuah ah te vaccine pein an kal bawk ang.

        LADC a Officer pahnih, Pu H. Lalruatkima leh Pu Thathluna Chinzah te chuan Vaccine petuten a tul apianga an hman atan, an motor kawllai an hmantir a, heihian chetvelna a tihawlsam phah hle.