Lawngtlai DC, Dr.Andrew H.Vanlaldika chuan, Sorkar, Tlawmngai pawl, khawtlang hruaitute leh mipui tanrualna vangin, Covid 19 thawhkhatna chu CCC ruak thei khawpin Pathian kaihhruaina vangin do hneh a ni a, tuna Hripui thawhhnihna pawh hi theihtawp chhuah a kan do chuan, kan hneh thei ang a ti.
Nimin khan Lawngtlai District Level Task Force chu DC hovin an thukhawm a, Covid 19 chungchang a inkaihhruaina hrang hrang te thlir ho niin, hmalakdan tur te ruahmanna siam in, Lawngtlai DC chuan Hripui dona kawngah VLTF mawhphurhna liantakin dah a ni a, theihtawp kan chhuah tlan chuan hlauhthawntur a awm lo a ni a ti.
Lawngtlai CM, Dr.LP Malsawma'n a sawidanin tun dinhmun ah Thingkah a 3rd IR hmuntur ah mi 75 awmtheihna tur CCC a awm thu leh enkawllai 49 an awmmek thu a sawi a, Chawngte ah CCC ruahman ni bawkin mi 3 enkawl mek an ni a ti
Hrileng vanga Sorkar in inkhuahkhirhna a kalpui mek ah nimin khan Lawngtlai khawpui chhung ah tulpawimawh leh phalna neilo te chu khawlaiah hmuhtur an awm mumal lova, veng thenkhat chuan Dawr te khar in, mipuiin chakkhai an lamdantur ruahmanna an siam a, veng engemawzat chuan DC lam atanga ngenna an hmuh angin an huamchhungah Quarantine Centre tur an ruahmanfel tawh.