Officers' Club Lawngtlai (OCL) chuan March ni 27, 2021 (Inrinni)-a T. Dumzau-a kangmei tuarte chhawmdawlna chu vawiin khan a hmunah kal chilhin an hlan.
Officers' Club Lawngtlai -in chhawmdawlna an hlan hi buhfai bag 10, dal bag 2, alu bag 2, nutrela bag 1, purunsen bag 1, tel, chi, chini, thingpuife, biscuit leh mimi eng emaw zat bakah, OCL member-te thawh khawm thawmhnaw leh bungbel ip 11 a ni a. President Pu R. Lalbiakthanga, District Sericulture Officer Lawngtlai hovin OCL member eng emaw zat thawk chhuakin, T. Dumzau VCP Pu Lotarang-a hovin khawtlang hruaitu leh tlawmngai pawl hruaitute'n chhawmdawlna hi an lo dawng a ni.
Officers' Club Lawngtlai te hian a theih ang angin midang tanpuinan hma an la thin a, Officers' Club Lawngtlai hi State Sorkar hnuai a Officer, Lawngtlai a awmte telna pawl a ni
Tags
News