Ram kang thelh mek a ni. IAF tan chet a harsa deuh

        Tun Ni hnih/thum chhunga  Lawngtlai District a hmun 20 vel dawn a kangmei chhuak chu hmuntam zawk chu thelhmit thawhkhat a ni tawh a, thelhmih tawh a ngaih pawh, kangmei chhuak thei dinhmun a ding a la awm nual niin The Lawngtlai Post thulakna hrang hrang te chuan an sawi

        Phawngpui tlang bulthut a kangmei chhuak pawn ziaawmlam a pan hret ni a lan laiin, kangmei chhuak thar  a awm leh a, helai tlangdung a kang thelhtute puitur a beisei Indian Air Force lam ten, tukin atang khan kangthelh tumin hma an la a, Official lam ten an sawidanin, IAF Chopper hian meikhu a nasat vangin tui thalna tur a ruahman, Tuipui D leh Saisihchhuah lam ah te harsatna a awm a, Palak Dil lam te thlithlai leh mek a ni a, Sorkar lam chuan theihtawp chhuahin hma an la a, Lawngtlai District thuneituten, ruahmanna hrang hrang te rangtaka bawhzuiin, engemaw palha vawiin lam ah Chopper hi hmanhleihtheih a nihloh a, naktuk lam ah kangmei chhuakin ziaawm lam a panlo a nih chuan beihpui thlakzui turin ruahmanna siam a ni.

        Phawngpui tlang bulthut kang hi Sangau BDO bak ah Chhimtuipui Wildlife Division a DCF, Pu Samson Thanruma ten an vil reng a, mitlawmngai thahnem takin rimtakin kangmei ven hna hi an thawk a ni.