Nimin khan Myanmar ramridep, Pangkhua a, Monitoring Committee On Myanmar Refugee te chuan mipui ten an thawhkhawm Buhfai leh chawhmeh lam chi leh thawmhnaw te an semchhuak a, an chen lailawkna tur te siamsakin, thataka lo dawngsawngin an enkawl a, tunhnai khan Chin Ephraim Hnamchhantu Pawl chuan Buhfai, Dal, Alu, Nutrela, Damdawi leh thawmhnaw tamtham tak an lo sem tawh bawk.
Inhumhimna zawnga Myanmar atanga Lawngtlai District a lutzat hi chiangtakin hriattheih a nilova, tunhnai a Young Lai Association Special Conference ah Central YLA President Pu HC Vanlalruatpuia chuan, mahni sahimna zawnga rawn lutte chu YLA chuan a ngaihsaktur thu a lo sawi tawh a, Central YLA leh Branch YLA te pawn an huamchhunga hetiangmi te chhawmdawl hna hi an thawk chho mek a ni.