LADC Budget Session zawhfel ani

       Thlahlui March ni 26 atanga neih tan, Lai Autonomous District Council, Budget Session chu vawiin khan zawhfel a ni.

      Vawiin Session tawpni ah Chairman Pu V.Zirsanga kaihhruaina hnuai ah, LADC Budget Kum 2021-2022 chhunga LADC sum hman tura ruahman  cheng nuai 19000.51  leh  Supplementary Demand for Grant 2020-2021 cheng Nuai 700.51 te passed a ni a, Budget ah hian Local revenue Collection a hmuh inbeisei Cheng Nuaih 245 a tel.  Eptu Member ten Hnam chungchangah House a CEM thusawi chu ngaihdamdil a, a thusawi sut tur a an phutna chu CEM in a tihhlawhtlin theihloh vangin Budgert hi pass puilovin, House an chhuahsan.

     Tuntum LADC Budget Session ah hian zawhna House a chhan chi 17 lutin 16 chhan a ni a, zawhna pakhat chhanloh hi, a zawttutur awmloh vang niin, , ziak a chhan tur zawhna pahnihlut chhan a ni bawk.

      Vawiin Session ah zawhna leh chhanna hun ah Middle School leh Primary School zirtirtute semrual tum a nih thu Executive Member Pu Sanghuliana Mualchin chuan a sawi a,  Forest Environment & Climate Change enkawltu Executive Member Pu C.L.Lianzuala chuan Phawngpui National Park chu LADC enkawlna hnuaia awmtur in hmalakna kalpui mek a nih thu a sawi