Hripui leng vanga State Sorkar in inkhuahkhrihna a chhuah zulzuiin, nimin khan Lawngtlai DC, Dr.Andrew H.Vanlaldika chuan Lawngtlai District chhunga inkhuahkhirhna kalpuidan tur thupek a chhuah.
Nimin khan thupek hi chhuah nimahse, Lawngtlai khawpui chhung, a bikin Lawngtlai Bazar chu chawhnu her thleng khan a lun ngaiin a lun a, khualzin phur lirtheite pawh danpangngaiin an tlan a, Lawngtlai atanga mahni khawlam pantur tamzawk chuan nimin khan Lawngtlai an chhuahsan a, Bazar ah chakkhai lam hmuhtur, nidang aiin an tam,
Hripui leng vanga inkhuahkhirhna kalpui a nih chhungin, mipui ten tlakchham an neih loh nan Lawngtlai Bazar Veng VLTF te chuan an huamchhunga Dawrkai te chu an bungrua nitin mamawhte mipakhat hnen a hralhchhuah tur zat an bituk sak.
Zan dar 8:30 atanga Curfew puan pawh Lawngtlai ah hian a theih ang angin bawhzui reng a ni a, khawpui lunlai ah Police leh VLTF te Duty in, Curfew hian zawm a hlawh tha thawkhat viauin a hriat.