Lawngtlai District ah Covid 19 Positive an pun chhoh vel vangin, Hrikai te enkawlna tur Covid Care Centre tihlendan tur vawiin khan a hmun ah en a ni.
CCC Lawngtlai hi Thingkah rama 3rd IR Batallion hmuntur a ruahman chu hman mek niin, tuna Hrikai enkawlna tur a hmanlai hi mi 75 awmtheihna tur a ngaih niin, hrikai an punchhoh zel vang leh mamawhna a zual thut pawh a, harsatna a awmloh nan 3rd IR Batallion hmun a Building dang mi 140 lentheihna tur a ngaih chu vawiin khan Lawngtlai DC, Dr.Andrew H.Vanlaldika hovin, a kaihhnawih Department hotuten an enfiah a, tui leh eng pekluh dan tur leh tulpawimawh te hmanhmawh taka chinfel a nih theih nan a hmun ah hian DC hovin ruahmanna siam nghal a ni.
Lawngtlai khawpui chhungah inkhuahkhrihna pawh a nitel in a khauh chho deuh deuh a, mipui lam pawn dan an zawm tha deuh deuh tih VLTF leh Executive Duty te chuan sawiin, vawiin khan Duty-na hmun thenkhat chu Lawngtlai DC chuan tlawhin, duty te chu theihtawp chhuah a hmalazuizel turin a chah.
Tags
News