Hmunnuam khua, Pi Hnianghniangi Sai in a chilhlum

    Lawngtlai District chhung, Diltlang South leh Bungtlang South inkar a awm, Hmunnuam khawmi, Pi Hnianghniangi kum 40, Pu Vanropuia nupui chu chawhmeh an zawnna ah nizan khan Sai in a chilhlum

   Thu kan dawndanin, Pi Hnianghniang leh a pasal Pu Vanropuia te chu nimin chawhnu lam khan Sialpheilui ah Chengkawl khawrh turin an kal a, Sialphei lui hi thim thet thet ah thlengin,  Sai hian a rawn bei thut a, an nupa hian tlan chhiain, lui hnar lam leh lui mawng lam ah an inthen a, Pi Hnianghniangi pasal Pu Vanropuia hian a nupui chu theih ang angin a zawngzui a, a hmuh mai takloh ah chuan, khawtlang mipui punturin a haw a, tukin khan Pi Hnianghniangi ruang hi hmuh a ni ta a ni.

    Thilawmdan hriat a ni ve leh Lawngtlai DC Dr Andrew H.Vanlaldika chuan thil thlendan enfiahturin Bungtlang BDO kutah mawhphurhna a dah nghal a, Police leh Environment, Forest & Climate Change hotute pawh a hmun ah kalin thilawmdan an enfiah nghal a ni. Pi Hnianghniangi hian a pasal leh a fapa a kalsan.