Sorkar ang chuan Myanmar atanga mahni sahimna zawnga rawn tlanlutte hi thuitak lo buaipui a harsatna a awm maithei, hetiang a nih mek lai a State Sorkar in tan a la hi a lawmawm a, Lawngtlai District ah pawh raltlan a ngaihtheih engemawzat an awm mek a, hengmite hi engtianga lobuaipuitur nge tih hi buaipui hmasak ngai a nih a rinawm.
Central YLA President thusawi atanga a landan chuan, mahni sahimna zawnga rawnlutte chu YLA chuan a lo lawmin, a ngaihsak dawn tih a chiang a, a ngaihsak mek bawk a, YLA tello chuan awmzeneiin, ramtlante buaipui hi reitak a kaltheilo maithei.
Central YLA leh Group leh Branch YLA te hi midang tanpui turin an inpeih reng a, heng mahni sahimna zawng a rawnlutte hi mumal taka Sorkar in a hriat ve kher a remlohna awm hian, hmalakna ah kal vut vut a tihremlohna lai pawh a awm maithei e.
Hetiang hi nimahsela, mikhual an ni a, ramdang atanga rawnlut an ni a, Covid 19 lakah an fihlim leh fihlimloh hi ngaihpawimawh hmasak chi a nih a rinawm a, mihring a inan vek theihloh a, mitha karah mithalemlo inzeh theih a ni a, mumaltakin, an thlalak nen, minbeltute hi chhinchiah nisela, chu chuan, pawimawh hun a la neihtheih bakah, a tangkaina a la hlu viau theiin a rinawm.
Raltlan buaipuina ah hian Sorkar laipui a inhawng zau lemloin a hriat a, heitak hi ram mipuiten tan an lakve a ngaih nasat zia tilangtu ah hmang ila, khawn leh lakkhawm kher ngailo pawn, mahni chhia leh tha hriatna hmanga chetchhuah pawh a hun in a hriat ani.