Myanmar buaina vangin Lawngtlai District chhungah, mahni sahimna zawnga rawnlut hi, engemawzat an awm tawh niin a hriat a, Pi leh Pu, thlahtute hunlai atangin, minbeltute hnar ngailo hnam nihna chu vawnhimin a awm chhomeka, a lawmawmin, hei aia nunzemawi hi a awmchuang kherlo maithei e.
Sorkar lam chu duhangin inhawng chiahlo deuh mahse, Lawngtlai District tan lek phei chuan Sorkar a inhawn leh inhawnloh lam a ngaihtuah theih tak tak lova, ka chumi, ka khami, kan tihtheih tamtak te chu, minbeltute an ni a, anlakah tutemah hian rilru chhia an pulo mai nilovin, NGO lianber YLA chuan theihtawp a chhuah chho mek a nih hi.
Myanmar buai hmasak tuma Mizoram a rawnlut zingah, mikhual nih thiamlo te vangin, mitha tamtakin harsatna an tawh phah a nih kha, tuntuma Myanmar buaina hian engchennge a awh dawn a hriat lohva, engzatnge rawnlut dawn tih pawh hriat a nilo.
Hetihlai hian, mitha tamtak karah mithalo a inzeh ve theih tih a chiang a, khawtinah kalphung rualkhai zawk zawmtlan theihtur neih a tha in a rinawm a, min beltute hian a thlengtute zai an ngaih thiam a pawimawh a, chutatang chuan awmzenei zawkin hun harsa zawk pawh lo thleng palh tase, hmachhawn a ziaawm in a rinawm a, a thlengtu lam an inhawnna hi zahthiam a tul viau in a rinawm.