Vanduaithlak takin Mizoram hmuntin ah tih theih deuh thaw kangmei a chhuak a, Lawngtlai District ah phei chuan chenna In engemawzat a kangral hial a, heng chenna In kang leh ram kang te hi a hlutna chhutchhuah senloh a ni hial ang.
Mitlawmngaite vang liau liauin chhiatna lian zawk a la thleng lova, Indian Air Force hial pun an ngai a, hetianga kangmei chhuak nasa hi Mizoram in a tawng ngailo hial maithei.
Kuminhi khua a thalreiin, ram a ro em em a, heihian kangmei chhuak a titam ni a ngaihtheih a ni a, kangmeichhuahna te hi phul leh thang hmun te a ni deuh nual a, ramngaw chereu nasa lutuk tawh chuan kangmei a chhuah palhin ven harsa khawpin a awmphah ti ila a sual in a rinawmloh.
Hetiang khawpa kangmei kan tawrh hi inenfiahnan hmang ila, mithiamte pawn awmzenei zawka mipui kaihhruai dantur duang sela, a haltu, a kanchhan hriatchhuah a, hrem a pawimawh tlukzetin, kangmei nasazawk tawk folotura lo inbuatsaih hi a pawimawhin a hriat ani.
Thilsiamdangte hi chuan an nunkhawchhuahna tur hian Mihringte hi min mamawh em em lova, Mihring zawk hi heng thilsiamdangte tellova damkhawchhuak theilo kan ni tih hria ila, kan harh thar deuh a tul khawp mai