Tunhnai mai a LADC Session-ah Hnam chungchang ah thu inchuh a awm a, heihian sawizui pawh a hlawhin, eptu lam phei chu Budget passed na ah pawh an awm duhloh phah a nih kha.
Hnam chungchang a inhnialna leh pawmdan te hi a inang diak diak theilo tih chu Session a ram hruaitute atangin a langchiangin a hriat a, kha khan engchennge nghawng a neih ang tih lam hi ngaihven tullai leh, kha thil khan a tha zawnga nghawng a neih theih nan awmzenei a thil kalpui a tulin a hriat a ni.
Thangthar zel ah hnam leh chi leh kuangte, hnam ziarang leh nunphungte chu hmanlai pi leh pute hunin a liampui daih tawh anga ngaihna leh, inangtlang deuh put put anga inhriatna a lian viau tawh a, heitak hi, tuntum a Hnam chungchang a thu inchuh rawn irhchhuak hian, thangtharte hian hnam ah chian a ngaihzia hriatthar nan hmang se a duhawm khawp mai.
CEM in a hming ziah hnan ngei a, Chanchinbumite hriat ah thupha a chawi hian, CEM puitlinzia a lanfiahtir a, ram leh hnam veimi ni mailovin, a theihna zawng zawng, ram leh hnam tana hmang thin a nihzia te, a hun ah chuan ram leh hnam tan, thupha chawi hreh miahlo a ni tih a langchiang a, a fakawm takzet a ni.
CEM berin thupha a chawi tawh lai hian, he boruak hi a rehzui daih ang tih a hlauhthawnawm a, he boruak hian, hnam thinlung nasa zawkin a tha zawngin kaiharh se, inepna lam aiin hnam a chianna chuan hmasawnna duhawm zawk pawchhuak se a duhawm ngawt ang.