Tuna Central YLA President nilai hian, “....thusawi thiam ka ni lova, a thawka thawk chi ka ni” a ti a, a tawng hi a umpha mai nilovin, ram leh khawtlang tan a tha leh sum leh pai a thawh nasat zia hi, a hrechiang apiang ten an sawi kumkhua tur a nih a rinawm.
Kan ram hian Pathianthu a ni emaw, Politics a ni emaw, chhungkua leh mimal inenkawlna thleng hian, a sawi a sawi ringawt hi kan mamawh lianber a ni chiah lo deuh tawhin a hriat a, chhia leh tha hre reng, inkhap fo ngai nih reng te hi thilzahthlak a nihna lai a awm tih pawm ila, Hripui dona tur ah, Sorkar in tihtur leh tihlohtur a zam te zawm duh miahlo, a nawlpui a kan han ni ringawt maite hi inenlet nan hmang ila, khawi khawiah emaw, sawi sawi lovin, thiltha tur chu kan phak ang tawkin zawm mai ila, midangten min nuih rukna thin hi thaibo a ni anga, Lawngtlai hi khawpui entawntlak ah reiloteah a chhunga chengte hian kan siam ngei ngei ang.
Midang tan thiltha tih kan harsat deuh a nih pawhin, midang tan hnawksaklo tal ila, chu chu thiltha tihna awlsam a ni si a, Central YLA President hian, ram leh khawtlangin hma a sawntheih nan a takin a nun ah lantirin, chu chu phurthut thil a ti nilovin, a nuna bettlat a ni tih a chiang a, hawh u, entawn tlakte hi entawn ila, an chanchin sawitu nilovin, an tih ang titu nih tum ila, hmasawnna hi hmuhtheihin a awm ang.