April 13, 2021 khan Lawngtlai District MJA te chuan helai kawng laihzauh hna thawh mek hi a hmun ah an en a, kawngin a paltlang khua a zangnadawmna vanga lungawilo an kawm te leh kawng laihhnathawh dinhmun an hmuhdan nimin khan Lawngtlai DC ah an thlen a, Lawngtlai DC Dr.Andrew H.Vanlaldika chuan, zangnadawmna vanga lungawilote chu an harsatna DC Office chuan a ngaihthlaksak theih reng thu leh, harsatna nei tamtakin an pan tih a sawi a, a theih ang angin chinfel hna thawhchhoh zel a ni a ti a, an chinfel theih mailoh chu thuneitu sang Arbitator ah case 111 thehluh a ni a ti
Lawngtlai DC chuan tuna ram laktur a tello, a taka hnathawh hun a an ram tihchhiatsak an awm a nih chuan On the Spot Purchase hmangin, zangnadawmna tihfel sak theih a ni a, mipui te manganglo tur a a duh thu MJA te hi a hrilh
National Highway 54 Lawngtlai to Zero Pint Siaha District hi Kilometres 39 niin, hnathawktu Power Mech Projects Limited hotute chuan zangnadawmna vanga khawih theihlloh Kilometres ruk chuang a awm thu an sawi a, cheng Vaibelchhia 446 senna tur ah hian hnathawhtur a ruahman atangin 6% vel thawhzawh a ni tawh a ni