Mizoram Pradesh Congress Committee Media Deptt chuan Law Minister Pu TJ Lalnuntluanga chu member senior zawk zahna nei lovva house pawn thlenga umzuiah an puh.
Assembly Budget Session neih meka nimina Law Minister Pu TJ Lalnuntluanga leh Lawngtlai West bialtu MLA Pu C Ngunlianchunga te inkara thil thleng chungchangah Pu TJ Lalnuntluanga'n mimal takin Pu Ngunlianchunga hnena ngaihdam dil tura an phut thu vawiin khan Aizawl Press Club-ah thuthar thehdarhtute hmaah an sawi.
MPCC Media Dept chuan Pu Ngunlianchunga’n Minister Pu TJ Lalnuntluanga thusawi, June 2, 2020-a tualchhung chanchinbu hrang hranga chhuak tawh, “Tun dinhmunah COVID-19 laka kan him theihna chhan hi kan Chief Minister-in Pathian a tih vang niin ka hria” tih a sawichhuah chu voice record dilin mawilo takin a bei zui a ni an ti a.
Hetiang thil thlentu hi ram rorelna khawla tawnhriat la nei lo leh hnuhma tha lo tak tichhuaktuah an ngaih thu an tarlang a ni.
LaiDCC pawhin nimin khan thuchhuah siamin, Law Minister chu a nihna hlihsak turi in Chief Minister an ngen a, Dy.Speaker in zalen taka Pu T.J.Lalnuntluanga thusawina hun a pe chuan House a control zawh loh zia a ti lang a, Session kaihruai tlakah Lai DCC chuan a ngai lo.
Tags
News