DC, Dr.Andrew H.Vanlaldika chuan, Myanmar ram buaina vangin, mahni sahimna zawnga Lawngtlai District a rawn lut an awm theih chungchang ah, Sorkar chuan nguntakin a ngaihven reng a ti.
Vawiin a Mizoram Journalists’ Association Lawngtlai District, Annual Conference a hmanpuina ah Lawngtlai DC chuan hemi chungchang hi sawiin, Lawngtlai District chuan Myanmar nen ramri intawm Kilometres 97 a nei a, ramri dep a awm Tlawmngaipawl leh VC te chu nguntaka ramri boruak thlir tur a tih an nih thu te, BDO tin te chu raltlan an awm leh awmloh viltur a tih an ni a, nitin State thuneitu lam ah report thehluh a ni a ti.
Dr.Andrew H.Vanlaldika chuan Covid 19 hrileng do na ah Lawngtlai District a Tlawmngaipawl leh mipui tanrualna chu hlu a tih thu sawiin, Chanchinbumite chuan boruak rihlaiber pawn, mahni invenna pawh nei mumallova an che chhuak thinte, hrido nan a mipui kaihhruaina an thehdarh thinte chu chhuanawm a tih thu a sawi.
He hun hmanpuitu MJA Gen Hqrs President Pu Zonunsanga Khiangte chuan Mizo Journalist chu an hmazawna ah an thawkrim hle tih sawiin, Sorkar pawhin kut ke ber a hmang tangkai hle a ni a ti.
District MJA President Pu Lalngheta Ralte chuan, Adertisement chu chanchinbumite tanpuina a ngai an awm thin chu pawi a tih thu sawiin, Advertisement chu mipuite hriattur, Chanchinbu kaltlang a puanzarna a ni a, Sorkar pawn tun aia nasa a Chanchinbu a hman tangkai a tul a ni a ti.
Vawiin a MJA Lawngtlai District ALawngtlainnual Conference chuan, Resolution siamin Myanmar ram buaina vanga mipui tawrhna thleng chu pawi an tih thu sawiin, Chanchinbumite zalenna rapbet zawng a chetna thleng thleng thin chu natakin an dem a, Power a Lawngtlai leh Siaha chawmtu Chawnhu a 33 KV Sub Station chu 132 KV Sub Station a tilian turin Sorkarin chakzawkin hmala rawh se, tih te an passed a ni.
Tags
News