Rorelliana Futsal Ground, Lawngtlai vengpui a he Kickoff hun hmanna ah hian Khuallian Pu Lalnghinglova Hmar, Mizoram Football Association a Hony.Secretary chuan Khawvel pum huapa Football enkawltu FIFA chuan Futsal hi a ngai pawimawh hle a, Football nena kalkawp tlat anih avang hian Football ngaina tu tan hlamchhiah ngawt theih anilo tiin, All India Football Federation pawhin Futsal chu India ramah a chawi lar chho mek a, keini Mizoram a Thalaite pawhin he infiamna Futsal hi kan uar chho mek bawk ani ati a. Thalai tamtakin Football hmangin ei an zawng mek a, chutiang bawkin, hmasawn mek Futsal pawh hi hun reilo te ah Thalaite ei hmuhna tur anih avangin, Zoram Thalaite hian kan hnualsuat ngawt a thianglo ani ati bawk. Tetea chuan a sawi zelna ah, Mizoram Football Association chuan Mizorama District hrang hranng a Football Association ten Futsal kan uar zel theih nan hma ala chho zel dawn a, District tina Thlai leh naupang hnenah Training pawh a pe chho zel dawn a, Player mai bakah Refree thlengin Mizo thalaite tjhiamtir a tum ani ati bawk.
TVJ Futsal Tournament hawnna inkhawm hi Pu A.Vanlaltholeha Sr.Vice President. Lawngtlai District Football Association chuan kaihruaiin, Rev.Laltanpuia Colney, BCM chuan hunserh ahmang a, Tv.C.Lalhmachhuana, Secretary. Futsal Committee chuan Report a pe bawk. He Futsal Tournament hi Category pathumah then niin, Under-!6 ah Team 4 an chhuak a, Kum 30 hnuailam ah Team 6 leh Open Category ah Team 15, an vaiin Team 25 ten Trophy an inchuh dawn ani.
He Tournament hi Lawngtlai District Football Association hnuaia din Futsal Committee te kaihhruaina hnuaia neih ani a, Lawngtlai District a vawikhat neihna anih avangin Thalai leh Naupang an phur hle a, Tournament hi zan lamah khelh thin ani ang a, chhun lamah Futsal Referee Training neih thibn ani bawk ang a, he Training hi Pu F.Rinpuia, MFA Futsal Referee leh Asian Football Federation a Qualified Referee ni bawk chuan Zirtirna a pe ani.
