Lawngtlai West MLA, Pu C.Ngunlianchunga Court hmaah a inlan.

Lawngtlai West bialtu MLA Pu C. Ngunlianchunga chu vawiin khan Special Judge (Prevention of Corruption) hmaa a inlan hnuah Bail a dilna pawmsak a ni.Congress MLA Pu C. Ngunlianchunga hi vawiin khan Special Judge (Prevention of Corruption) Pu F. Rohlupuia hmaah a inlan a, Court chuan MLA hi Bail a dilna pawmsakin July ni 22 ah inlan leh turin a ti a ni.

Thudawn danin Lawngtlai West bialtu MLA Pu C. Ngunlianchunga hi man a nilo a, Court in man ngaihna a hmuhloh avangin bail hi phalsak niin bail a phalsak chhanah tlanbo hlauhawm anihloh avang leh hriselna lamah harsatna a neih avangin phalsak a ni a, thla leh July ni 22-a inlan leh tura tih a ni.

Pu C. Ngunlianchunga hi Anti Corruption Bureau in LADC CEM anih laia Lawngtlai by-pass road chungchanga NLCPR atanga sum an hmuh chungchangah pawisa chingpen avangin thubuai a neih thu an sawi a, Pu C. Ngunlianchunga chuan kumin March thlaa Assembly thutkhawmah Chief Minister Pu Lalduhoma’n a sawichhuah hnuah a hre chiah tih sawiin Lawngtlai bypass road siamna atan a CEM laiin kum 2013 ah cheng vbch 4 sing 7 a rawn chhuak tih sawiin kum 2014 January thlaah Minister anih tak avangin CEM atangin a bang a, a hre zui tawhlo tih sawiin sum thianghlimlo cheng khat mah a lak loh thu alo sawi tawh a ni.