Lawngtlai Auto Rickshaw Driver rinawm, Henry Lalhmingmuana

 Zanin (19 June 2025) dar 9 vel khan, Bazar Veng Lawngtlai atangin Myanmar lammi, sumdawng ni a hriat pakhat chuan Bazar Veng Lawngtlai atangin Auto Rickshaw, Henry Lalhmingmuana  S/o Laltawmliana, Lawngtlai-III khalh chu hmangin, Auto Rickshaw ah hian  cheng Nuai 17 vel a theihnghilh a,  mangangtaka a awmlaiin Henry Lalhmingmuana hian himtakin a pelet.

Lawngtlai Auto Rickshaw Owners' Association President Pu C.Zathianga hnen atanga The Lawngtlai Post in thu a dawndanin, Myanmar lammi hian Bazar Veng atangin a thlenna HOTEL HUSOP, Assam Rifle Camp bul, Lawngtlai-III pannan Auto Rickshaw a hmanga, May thla tawplam a Bazar Veng leh Chandmary a Inchim vangin Hotel Husop panna kawng hnai zawk chu Two Wheeler chauh kaltheih a nih vangin kawng kuallam atangin Hotel Husop hi an pana a, Auto Rickshaw hmangtu hian a thutna hnunglama Polythene duma tuam pawisa ip a dah chu a theihnghilh a, Auto Rickshaw a hman hi Registration Number leh a khalhtu biakpawhna tur a hrelova, Hotel enkawltutenen mangangtaka an awmlaiin Auto Rickshaw Driver Henry Lalhmingmuana hian a Auto Rickshaw ah a Passenger in theihnghilh a nei tih a hriatchhuah hnuah Hotel Husop hi panin a pelet.

Auto Rickshaw Driver hian bungrua theihnghilh chu pawisa a ni tih a belhchian hnuah hriain, a tuamna Polythene tet karah pawisa chu hmuhmaitheih a ni tih Lawngtlai Auto Rickshaw Owners' Association President chuan a sawia, pawisa tamtham tak cheng Nuai 17 vel laimai rinawm taka an Member in a neitu a pelet chu an chhuang hle tih a sawi.