Inrinni Feb. 27 khan Environmental NGO pakhat, Conservation Mizoram huaihawtin Mizoram pumah Chapchar Awllen Sava Chhiarpui neih a ni a, Lawngtlaiah pawh Phawngpui Photographers' Association ten Sava chhiarpui hi an nei ve.
Phawngpui Photographers' Association te hi an President Pu Fanchun Malsawmhlua hovin mi 5 an thawkchhuak a. Upper Saikah, Paithar leh Rulkual ramah te Zing vartian ah thawk chhuak in Sava chhiarpui hi neiin Sava chi hrang hrang chi 52 an chhinchhiah thei a, thlalak pawh engemawzat an nei thei bawk.
Pu Fanchun Malsawmhlua, President, Phawngpui Photographers' Association chuan, Lawngtlai District ah a vawikhatna atana Sava chhiarpui an nei thei chu lawmawm a tih thu a sawi a, sava leh nungcha vang chak lutuk chu a lungchhiatthlak tih sawiin, ramngaw leh nungcha humhalh hi sorkar emaw pawl engemaw mawhphurhna a dah mailovin, India ram danpuiin kan ko a a nghah a ni tih hi mitinin kan hriat thar leh a tul takzet a ni a ti.
Phawngpui Photographers' Association te'n Mizoram hmundang te ruala sava chhiarpui an neih theihna atan hian Pu Lalromawia, DCCF, Forest, Environment & Climatic Change, LADC chuan nungcha humhalh kawnga hmalakna pawimawh tak anih hriain department motor a hmantir a, PPA te chuan lawmawm an tih thu an sawi.