Khawpui hlun tak tak hming thlak a awm nual a, ram hming thleng a thlak hriattur a awm. Hetianga thlak a nihna chhan hi, hnam nen a inkaihhnawih a nih vang a ni fo.
Ram bung hrang hrang a, hmun hming hian, a michengte hnam nen inzawmna thuitak a nei thin a, heng hi hnam pholanna tha tak a nih vangin, MADC huamchhunga khua te pawh, ram neitute tawng hmangin thlak a nih kha.
Thlak awm ngawih ngawih a awmthei a, thlak tullemlo pawh a awm thei bawk ang, tute emaw tih anga a nawlpui a thlak kher pawh thil tulber pawh a nilo maithei bawk, hetihlai hian, helam hawi a hmalakna hi chak zawka kalpui theihnise tih hi LADC huamchhung ah hian duhtu an tam viau in a rinawm.
Hruitezawl chhak a, lungpui mawi leh mak tak tak te pawh khuan, sawidan tlanglawn deuh nei mahse, mumaltakin hming a nei thei mailote khu a veitu tan chuan vei tham a tling awm e.
Khua leh hmun te hian hming putchhan a nei thin a, thawnthu engemaw tal a kengtel thin a, hengte hi hnam zia lanna tangkaitak a ni thin. Hruaitu hmasa boralta Pu F.Manghnuna khan, helai hi ramdangten kan ram an luh thinna tur a ni a, kan hnam hming hi an hriat hmasak a ngai a, Laitlang tih hi ramridep a khua awm hming atan khuan hman a nih thu a sawi a, a lo ngaihtuah thui mange, thangtharte hian hnam pholanna hi an vei tulh tulh dawn a nia.