Agricultural Technology Management Agency (ATMA), Lawngtlai District; State Agricultural Management & Extension Training Institute (SAMETI), Mizoram; MANAGE Hyderabad leh Lawngtlai District Fisheries Development Office te tang ho buatsaih, thalai kut hna thawktute tana sangha khawi dan leh enkawl zui dan (fish rearing & management) training chu February ni 23 atanga ni 27 chhunga neih chu Inrinni khan zawhfel a ni
He training hi Skill Training of Rural Youth hnuaia buatsaih niin, Lawngtlai District-a thalai sangha khawi lama tui mite leh Fisheries Department hnuaia sangha khawitute koh khawm an ni a. DFDO Pi Lalremsangpuii, Fisheries Extension Officer Pu HC Lalrintluanga leh Fisheries Demonstrator Pu C. Ramthanmawia te'n dil sawngbawl dan, sangha chi hrang hrang khawi pawlh dan, sangha chaw pek dan, sangha inthlah puntir dan leh sangha khawitute tana hriat tur tul leh pawimawh dangte chu a thu leh a taka entirin an zirtir a. Training-a telte hi February ni 25 khan Saikah 'L'-ah field visit neihpui ni bawkin, sangha dil puitling saah len (hapa net) zar dan leh thil pawimawh dangte a taka tihpui an.