Nimin khan Zoramthar, Zofate Lairelna Pawlte chuan Lawngtlai Press Club ah thuthar thehdarhtu te kawmin, Rev. Dr.Zaichhawna Hlawndo chuan an pawl chu NGO a nih thu sawiin, Lalpa thu angin Politics huang a inhnamhnawih lam chu an kalsan rih thu a sawi
Rev Dr.Zaichhawna Hlawndo chuan Zofate haw runpui November ni 10 atanga 12.2021 hian Thenzawl ah buatsaih an tum thu leh Krista a hnam inpumkhatna tih thupui hmanga intawhkhawm buatsaih an tum thu a sawi a.
Ramri buai te hi awlsam taka chinfel maichi a nilo tih sawiin, Hnam kan nihna anga chanvo kan neihturte kan neih hun ah ramri buai hi chinfel a ni ang a ti a, hetih hun ah chuan Mizoram chhunga inhungbikna awm hrang hrangte pawh a bo anga, awmzeneiin hmasawnna Lalpa duhdanin a kal tawh dawn a ni a ti.
Chachinthar lakhawmtute zawhna chhangin, Political Party leh Inthlanna hmachhawntur a intelkhawm te atangin tanhopuia sawmna an dawn thu sawiin, Party huang atanga ram siamtumna chu an kalphung a nihloh vangin, helamhawi a thawhhopui an neihloh thu a sawi.
Rev Dr.Zaichhawna Hlawndo chuan Zofa hnam hrang hrangte hi hnam khat kan ni tih lantir nan Zo hnahthlak hnam zawng zawngte hmingin Hnam Lungphun Ft 70 a sang, a chunga Kross awm, Thenzawl ah phu a ni dawn a ti a, Dr.Zaichhawna chuan Zofate chu kum tam takah hnam ah kan bo a tunah chuan hnam hruikhat kan vuan tawh dawn a ni tiin, Pathian Lalram sawrkar kan din hunah Lalram Chanchintha tak tak chu kan hril thei chauh ang a ti.