Covid 19 vanga harsatna thleng chuan ziaawmlam a panchho hret hret a, hrikai erawh nitin hmuhchhuah ala ni chho zel a, Lawngtlai CCC pawh a la ruak hleithei rih lo.
Hripui vanga Lawngtlai khawpui in harsatna a tawh ringawt pawh hi nasatak a ni tawh a, hri hi englaipawhin darh huk thei dinhmunah ala dingreng tih a chiang a, heivang hian hri laka invenna hi ngaihpawimawh chhunzawmzel hi kan himna a ni,
Khawlai a veivak zingah Mask hmanglo hmuhtur an tam leh viau tawh a, khabe dawmnan a hmang pawh thahnemtak hmuntur an awm, hri laka invenna hi thenkhatten thatakin hmang mahse, miinthlahdahte vangin hri hi a darh thei lawisi a, kan fimkhur thar leh a tul khawp mai.
Mask hman kan inthlahdah aimahin, Social Distancing phei chuan ngaihpawimawh a hlawhlo zualin a hriat a, kan fimkhurloh leh kan inthlahdah luatah, bul kan tantha leh ang tihte pawh thil hlauhthawnawm a ni tih hriat a tha viau mai.
Khawdang ten Lawngtlai an tihin, an hlau viau thei a, henghi chu thuhranah pawh dah ta ila, mahni sahimnatur leh midang himna tur atan a mithiamte thurawn leh tihtur a thupek awmlai zawm mai hi, khua leh tui diktak chuan a tih maitur a ni tih kan hriatnawn a, hri laka himnatur a tihtur leh tihlohtur te ngaihpawimawh thar leh hi tuna kan awmdan hian a mamawhin a hriat a ni.