Feb 10, Nilaini khan Lawngtlai District Football Association chuan an President Pu C.Hrangthianga MDC a thlantlin anih lawmpuina hun an hmang.
Pu A. Vanlaltholeha kaihruai a, He hun, DC Bungalow, Chawnhu a hman ah hian, Pu Lalzuienga, Executive Member LDFA chuan hunserh a hmang a, LDFA Chief Patron, Lawngtlai DC, Dr.Andrew H.Vanlaldika chuan Pu C.Hrangthianga hnenah LDFA hminga lawmpuina thuziak a hlan a, Pu Andrew a chuan , Lawngtlai District a thalai te Sports lama hma an sawn theihna atana tha leh zung ngaihtuahna seng tu, LDFA President Pu C.Hrangthianga MDC a thlantlin a ni chu lawmawm a tih thu sawiin, Ram Rorelna a thu thei hruaitu an nei chuan Infiamna lama Lawngtlai District hmasawnna turah thuitak awmzia aneih a beisei thu a sawi a, Hruaitu chak, Hruaitu tha awmna apiangah pawlin hma a sawn thin a, Sports lama hruaitu kalkhawm te pawhin Dawhkan atanga rorel mai lovin, anmahni ngei an thawkchhuak zel anih chuan hmasawnna pawh a chak ngei ngei dawn a ni a ti.
Pu C.Hrangthianga, President, LDFA leh College Veng Bialtu MDC chuan Lawngtlai District chuan District dangin an neih loh, Chief Minister leh Sports Minister duhsakna changa, Sports Project Cheng Nuaih Sing chuang man an nei tur chu lawmawm atih thu sawiin, Infiamna lamah Thalaite hmakhua a eng zel ani tih sawiin, heng Project te hi a hlawhtlin hunah chuan Lawngtlai District atanga State leh National huap thlenga inelna ah thalai a tam thei angber kan intirhchhuah a, hlawhtlinna sang tak an chan phah ngei a beisei thu a sawi
He hunah hian Lawngtlai District Sports Committee atangin thusawi ngaihthlak ani bawk a, tlai lamah DC in zanriah a buatsaihsak chu an kilho nghal ani.