Kawngpui tha, mipuiin an duh vanga Lawngtlai a mipui authawm a rikrik hunlai kha a la reivaklo, tun ah chuan khawpuichhung kawng chauh nilovin, Lawngtlai atanga khawpui dang panna kawng pawh siamthat chhohmek a ni a, a lawmawm khawp mai.
Journalist te hriatlaiin Lawngtlai DC chuan kawngsiamtute chu khawpui chhung ngaipawimawh hmasaturin a hrilh a, a hlawhtlinna kan hmuchho mek a, thal chhung hi chuan khawpui chhung ah kawngpui thatak kan nei hmantur ah ngaih a ni.
Kawngpui a tha a, lirthei chetsualna pawh a awmchho zeuh zeuh a, hetiang chetsualna hi chu, kawngpui a nihdantur anga siamloh vang nilovin, kawngpui hmangtu lamte thiamloh a ni deuh zawkin a hriat a ni.
Tuna Lawngtlai khawpui chhung a kawngpui siammek hi hmun engemawzat ah chuan zawhfel a ni chho mek a, hetiang ang kawngpuitha hi he khawpui hian a neileh angem tih hi ngaihtuahtham a tling a, heivang hian, mipuiten kawngpui hi an dimthiam a pawimawhna a zual viau dawn a ni.
Kawngpui dimtur a tihtur leh tihlohtur hrelo an awmlovang, neitu thinlungpu a kawngpui hi enkawl a tul khawp ang.