Kaladan Multi Modal Transit Transport Project hnuai ah Myanmar ram pawhtur a Lawngtlai atanga kawngpui sialmek chu hnathawhtur a ruahman atangin 95.43% zawhfel a ni tawh.
Lawngtlai atanga chhimchhak lam hawi a Myanmar ram pawhtur a kawngpui sialmek hi Myanmar ramri thlengin Kilometres 87.180 niin, kawng laihtur chin chu laihzawh vek tawh niin, Blacktop hna pawh thawhzawh a ni tawh a, he kawng ah hian lei (Bridge) dawh ngai hmunriat ah awmin, heng lei te hi tunlai hian dawh mek niin, lei innghahna tur te chu zawhfel deuh vek a ni tawh.
Helai kawngpui in Myanmar ram a pawhna Zochachhuah piah lawk atangin Myanmar ram chhung lam ah pawh kawngpui hi engemawchen chu laih a ni tawh bawk.
He kawngpui hi hawn a nih hma atangin a bikin Lawngtlai District khawthlang lam khua ten an hmang tangkaiin, inkalpawhnan leh bungraw thiarvel nan he kawngpui hi an hmang nasa hle a ni.