District Council vanga malsawmna he ram in a dawn zozai hi chhiarsen chi a nilova, tehfung lek hleihtheih pawh a nilovang.
Mipuite innghahna chu Sorkar a nilotheilova, Sorkar hi awmze nei a a kal chuan, ram hmel a danglam zung zung thin a, chu chu a ni, ram hmangaihtuten an nghahfak chu.
District Council Budget hi a tamlo tih chu hriatsa a ni a, Budget huamchhungah bungthar kai a, awmzenei a ram a kal a pawimawh a, kalphung pangngai ang reng a inrelbawlna a kal hian, hmasawnna hmuhtur a awmtam thei thinlo a ni.
State Sorkar pawh hian Budget duhthusam a nei chuang lova, State Budget pawnlam a hailuhtheih awmte hailuttur in Minister te pawn tan an la nasa viau thin a, hetiang deuh hian Council Sorkar a thuneihna changtute hian kawng an dap ve a pawimawh khawp mai. Tunhnai a Art & Culture E.M in Governor a va kawmte kha thillawmtak a ni.
Tun Sorkar a E.M te hian hetiang zawnga hmalakna tur hi an hre teuh tih a chiang a, he ram hi Bungthar a kaipuiturin an ni bak hi mirintlak leh thiam an awmchuanglova, kawng hrang hrang ah, a tul chuan mipui pawh hnuchhawn hret khawp a ramtan ke an pen a ngaih hial pawn, ram tan a ni tih mipui lam pawn an hriatthiam a tulin a rinawm.