Hripui leng vanga inkhuahkhirhna siam chu zawi zawiin thlahdul chhoh hret hret a ni a, tunhnai a thupek tihchhuah ah, zanlam Curfew pawh a hun pawh tawi niin, zar dar 10 atanga zinglam dar 4 inkar chu pawn chhuah phalloh, Curfew ani.
Hripui leng vanga zanlam, mi veivak leh punkhawm hun pawh ni mang lova Curfew hian, hripui venna nen a inzawmna hriatthiam har ti fe fe hriattur an awm nuk ang tih chu thil chiangsa a ni.
Nitin, chhunlam a chetvelna thlah zalen a, zanlam, chu pawh zanrei lam a mipui hrekbeh an ni lawisi hi, sorkar hian a chhan a puanzar mumal siloh chuan, hrethiamlo hi lo awmnuk pawh nise, an thiamawm viauin a rinawm.
Hri hi engtiklai pawn a hlauhawm reng a, mipui phurrit lutuk tur hi Sorkar chuan a ven a ngai a, heivang hian chhunlam a mipui chetvelna hi a thlah zalen tih chu a chiang a, hri laka invenna te, tihtur leh tihlohtur chu hrevek tur a ngaih kan niin, a hran a khuahkhirhna hi lekkawh a ngailo ah sorkar hian a ngai a nih a rinawm.
Hetiang a nihlai a zan lam a Curfew puan chhunzawm hi, khawtlang nun ah, nghawng tha zawk a nei thluah in a rinawm a, hrileng vang a zanlam a curfew puan chhunzawm hian awmzia a neihdan tur hi mitamtak ten an chhut neuh neuh a, hriatfuh harsa an tih lai a nih ngei a rinawm.