LADC Sorkar thar chuan Muster Roll a chhawrlai mi 304 te chu a ban a, ban an nihna chhan hi Budget ah an hlawhtur dah a nihloh vang ni a sawi a ni a, M.R ban an ni hian sawizui a hlawh viau a, mi 300 chuang eibel vuakkehsak ang zawng a ngaihtuah chuan sawizui luai luai tur pawh niin a hriat a, hetihrual hian sum indaihlohna vanga, ramin leiba leh sum lama harsatna a neih vak duhlova, a sutkian nan a huaisen taka MR ban ngam Sorkar hi a fakawm viauin a hriat a ni.
Council Sorkar hi mitamtakin innghatnan a an hman a ni a, heng MR bantakte pawh hi, thenkhat chuan, an thawhlai pawn tangkaina tehvak an neilo maithei e, hetiang tho hian Regular staff zingah pawh, an hnathawh leh an hlawh inphulo deuh a ngaihtheihte pawh an awm ve maithei.
Hetiang a MR ban an nih tak rau rau ah chuan Council Sorkar hi MR tello hian, a pawimawhzual chauh tih loh ah chuan kal tumse, chu chu Sorkar pawhin a tumber pawh niin a hriat a, thlahnih khat hnu ah Sorkar hmasa ang bawk a MR hi a lak nual chuan, mipuiin an chungah rinna an nghah hi a tleu zovang tih a hlawhthawn awm a, tuna MR ban an ni hian, ram development ah pawh nghawng a neih ngei a beiseiawm a, a pawimawhber ah chuan MR tellovin Sorkar hian thapui chhuah a, hna a thawh hi a nih hmel a, thil engpawh a thatna leh thatloh a lan hma a ngaihdan lo sawi chiam hi a fuhber lova, ram roreltuten thatur a an ngaih angin ram an hruai a, an kaldan hi nghah peih a fuhber in a rinawm.