Pu T.Laleng muana chuan kumkalta ah hripui vangin harsatna tamtak tawh a ni a, LADC Budget pawh cheng nuai 93.5 Covid 19 donan hman a ni a ti a, Sorkar thar a pian hnu ah sum indaihlohna te nguntaka enfel niin, tun sorkar kum kallai ah hian LADC sum indaihlohna chu cheng Nuai 2500 chuang a ni a ti a, CEM Pu Manghmunga Chinzah chuan State Sorkar ah sum indaihlohna te hi a thlen tawh a ni a ti.
Executive Member Information & Public Relations changtu chuan Sorkar hnalakdan ah thilfello Sorkar kalta a awm ni a hriat chu enfeltutur Committee din niin an enfiah mek tih a sawi a, Sorkar chuan thilfello leh diklo a awm a nih chuan thenfai a tum a ni a ti.
Village Council te hnathawhdan ah Council Sorkar in a hriatpui chinbak ah LADC a MNF Sorkar chuan inrawlh a tumlo tih Local Administration Department changtu nibawk chuan sawiin, rorelna dik leh tha kalpui chu sorkar in a tumber a ni a ti.
Lawngtlai District MJA te chuan LADC a I&PR Department tihchangtlun a nihtheihna tur a rawtna an neih te bak ah Journalist te hamthatna tur a Council Sorkar in hmalase an tih te Executive Member hnen ah hian an thlen.