CEM chuan MR 320 ban an nihna chhan chu sum indaihlohna phuhrukna tur a nih thu leh, MR chuangtlai, hnathawhtur nei lemlo, Sorkar in a tangkaipui lemloh thahnemtak an awm thu te, Sorkar chu MR tellovin a kaltheilova, mamawh tawk bak MR lak an tumloh thu te Chanchinbumite nen an inkawmna ah a sawi a, MR 320 te thlakhat hlawh ringawt ah cheng nuai 35 senral a ngaihthute pawh CEM hian a sawi a, sorkar thar hian kalphung ngil zawk zawh a tum hle tih a langchiang in a hriat a ni.
MR bantakte kha an lainawtawm tih CEM chuan a sawitel a, mahse, sum indaihloh vangte, tullemlova MR chhawr teuh ringawt chu ramin a tawrh phah dawn vanga ban an nih thu a sawi a, hetiang a hmala ngam sorkar hi fakduhtu tan chuan faktlak a tling awm e.
Sorkar hmasa khan chhan neilovin MR a langawtlo tih erawh a chianga, Council zarzo theiturin chhungkaw tamtak dinhmun a sawhremsak a, hetiang hi nimahsela, Sorkar fawngvuantu a danglam in, ram kaihhruai duhdan a inang theilova, tun Sorkar thar in MR a han banta pawh kha a tuartutan natak a nih theih laiin, sawizui nan a la hma deuh em aw, a tihtheih a, a hma amite lak ang zat lak an tumlo tih an sawi a, MR tlem zawk chhawr chungin, he sorkar hian mipui tan eng hna nge a thawhtheih tih hi, MR ban chungchang a tehfung lekna tur chu niin a hriat a ni.