Hmundang ah hian kalpui a ni ve em aw ?, LADC ah hian Equal Share hi sawirik a ni thin a, tuna Sorkar thar hian enganginnge helam ah hian hmalak a tum tih hriat ala ni chiahlo a ni maithei e.
Equal Share chu, hmasawnna hna thawhna tur, Ruling Member ten inangtlang a an insem hi a ni deuh maiin a hriat a, hetia han ngaihtuah mai chuan, bial ro deuh bik a awmlovanga, a tha viau alawm tih hi ngaihdan tlanglawn tak a nih a rinawm.
Council hian cheng tamtak, Equal share a han semdarh tur hi a nei lutuklovin a hriat a, heivang hian, hmasawnna hna pawh hi, duh angin a lang chak theilo in a hriat a, kildang atanga thlir in, Equal Share hian hmasawnna ruhrel dinna tur kawng a dangpinga a lanna lai a awmtheiin a hriat a ni.
Council hian hmasawnna ruhrel lian ve deuh hlek, hmasawnna hna thawhtur ah hian duang sela, kumnga, kum sawm emaw a puitlin theih chauhturte pawh duangngam sela, Equal share hi nuaibo nise, heta sum insem thin hi hmun hnih/khat ah awmzenei zawka hnathawh nan a hmantheihin a rinawm tih hi ngaihdan awm ve thei a ni a, a tha phian maithei e.
Engpawhnise, tihdanphung pangngai leh kaldan ngai pet pet a kal hi Sorkar kaldantur a nilo tih a chiang a, Sorkar thar hian Budget Session em pawh a la hmachhawn lova, ram hruai nan hian awmzenei zawk an chhawpchhuah ngei i beisei ang u.