Vawin Dt 13/1/2021 khan South Lungpher Water and Sanitation (WATSAN) Committee te ruahmanna leh kaihhruainain hnatlang thawh a ni a, Hnatlangah hian mi 50 vel an thawkchhuak a ni.
Vawiin hnatlangte hian, an khawchhunga Tuikhur (Public Water points) hrang hrang thawm that hna leh rawng hnawih that hna te, an tui lakna pakhat "Sethih Va" hmuna "In-take" siam that hna te, an khawchhung Side drain-a leh a remchang lai a pianga Bawlhhlawh thenfai hna te thawh a ni bawk.
Naktuk Dt 14/1/2021(Thursday) leh naktip Dt 15/1/2021 (Friday) pawh hian rawlkhawlhna dang a awm lo nih chuan, an tui lakna hnar dang Luilaklawh hmuna In-take leh hmun danga tui lakna hnar dang te siamthat chhunzawma en fel hna te, khawchhung thenfai bak dang tihfai hna te, Vantlang Tuikhur dang vawiin lama an siam that bak thawmthat leh rawng hnawih thar hna te thawh chhunzawm leh an tum bawk.