Lawngtlai Council Veng Dinthar ah hrikai hmuhchhuah thar 16 an awm a, Council veng huamchhung a awm, Lai Autonomous District Council Office pui chu nimin atang khan damdawi hmang a kahthianghlim tan a ni.
Hemi chungchang ah hian LADC a Deputy Secretary Pu LZ Tluanga chuan thupek chhuahin, vawiin atanga nithum chhung chu hrilaka fimkhur thil ah LADC Office pui chu damdawi hmanga kahthianghlim a nih dawn vangin, pawnlam mi tan LADC Office hi dawrtheih a ni dawn lo a ni. LADC Office hi LADC-a Desaster Management & Rehabilitation Deptt ten uluk takin an kap thianghlim mek a, LADC Office dawrtum mipuite chu, an inthenthianghlim chhung chu lo nghak hram hram turin LADC thuneitute chuan an ngen.
Nimin vek khan Lawngtlai DC Office pawh pawnlam mi tan dawr theih lovin, Office leh a chhehvel te damdawi hmanga kahthianghlim a ni a, DC Office hi vawiin atang chuan dan pangngaiin dawrtheih leh tur a ruahman a ni.