Lawngtlai chauh nilo, Mizoram pum ah, a ram leilungfa nilo, pawnlam atanga hnathawk leh venhimhna thawktu te atangin Hripui kai hmuhchhuah a ni deuh reng a, ram inrelbawlna ah inkharkhip hleihtheih a nih lohna chin a awm vang leh ramin a mamawh, a hmantangkai, State pawnlam mite hi an dinhmun ngaihtuah chuan an khawngaihthlak viau in a hriat a ni.
Hetihrual hian, hri hi khawilai atanginnge darh a, khawi atanginnge a darh zel ang tih hi hriatfuh hleihtheih a nihlohna chin a tam a, tun dinhmun ah chuan, mitin te hian, midang kan hriatchian deuh tak pawhnise, hrikai tur ah ngai deuh tawp mai ila, fimkhurna thlahthlamloh hi a fuhber in a hriat a ni.
Hetihlai hian heng Construction Company te hian hna an chawlhsan mai a rem silova, fimkhurloh vang lutuk nisilo hian, an mahni atang hian hri hi darh ve thei a ni tih hi kan pawm tlan a pawimawh a, heivang hian a theih chin chin ah, enhranna leh thinhrikna tel silovin, kan nelloh deuh te hi invenna tha tak a ni theiin a rinawm a ni.
A landan chuan hripui hian kianlam aiin zuallam a pan hret hretin a hriat a, ngaiah neih ngawt chi a nisilo, hripui lengkar ah mipui lam hian fimkhur tak a nun an thiam a tul a, tawngpawng hlauh in awmzia a neilova, tawngpawng hlauhloh ngawt chi a ni bawk silo, awlsam taka invenna awlsam tak chu, midang nel lutuk loh hi a ni awm e.