Nimin khan MNF District Hqrs Lawngtlai a, MNF Thalai leh Women Front ten Lai Autonomous District Council a Chief Executive Member Pu T.Zakunga kaihhruai chu LADC a sorkar-na siam thei tur khawpa MDC an neih loh avangin Office kai chhunzawm thei lovin an dang.
MNYF President Pu Elvis Lalthangzuala chuan, MNF Thalai pawl leh Women Front ten an duh ber chu District Council in Dan a siam Constitution, Conduct & Business Rules, 2010 chu ram hruaituten zahawm takin vawnghim se an duh tih sawiin, vawnhim a hnek in a palzut tu ram hruaitu kan nei hi vanduaithlak kan ti a. An nihna an chawlhsan phal lo anih pawhin Dan zahawmna humhim a turin kan duh a ni, a ti.
MNYF President chuan, BJP MDC te majority pawh nei lova sorkarna an la chelh reng hi hriatthiam harsat a tih thu a sawi a. Tunah hian House ah fiahna pawh pal tlang ngai lovin dan an bawhchhe tawh a. An nihna mai ni lo, MDC thleng a bang tur an ni zawk a ni, a ti.
BJP MDC pakua te hian Rules 1, sub-rule (6) clause (a) of The Lai Autonomous District Council (Constitution, Conduct & Business etc) Rules 2010 chu chiang takin an bawhchhia a. An mahni sponsored tu party chhuahsan in Ni 29.10.2020 khan Union Minister Arjun Munda in BJP ah a lawm luh ni khan, MDC atanga bang tawh tur an ni zawk, ani a ti.
BJP MDC panga Pu C.Lalneihkhuma, Pu L.Lawmkima, Pu JC.Ngurluaia, Pu Suresh Chakma leh Pu C.Lallungmuana te'n Office hi kal an tum a, MNF Thalai pawl leh Women Front ten hian Office kal phal lovin an in an lo dang a, hemi hnu hian Office kal lovin an let leh ta a ni.
LADC a BJP Legislature Party member Pu C.Lallung- muana chuan , BJP Legislature Party hian thlawp tu aneih dan House ah fiah a la nilova, tundinhmun ah chuan nghet takin sorkarna hi an kalpui thei tih a sawi a, inthlanhun hnai tawh tak, hnathawhna hun pawh awmmang tawhlo ah, MNF ten ram tana hna an thawktur an dang chu mipuite hmakhua an ngaihlohzia tilangtu a an ngaih thu a sawi.