MNYF leh MNWF te chuan LADC a BJP Sorkar chu bangturin an nawr mek a, Executive Member te Office kaitur dangin, nihnih chu boruak awm laih khawpin an innawr tawh a, BJP Member te chuan Office hi kai theih hram an tum a, MNF lam ten kaitirloh an tum a, an hmazawn ah an titur ve ve an ti a, thlirna thenkhat atang chuan an fakawm viau ve ve in a hriat a ni.
LADC inthlanpui chu dan pangngai ang a nih chuan a hun a hnaih viau tawh hmel a, a tu ve ve tan pawh Politics a hamthatna hmuhtuma beihna kawng a inhawng zau ve ve thei viauin a hriat a, hetiang a nih mek lai hian a tu emaw zawk zawk hian ngawih chuh ngamse a duhawm viauin ahriat a ni.
LADC Area ah hian mihring tamtak kan awm lemlova, inchhuizau deuh phei chuan, ka chumi, khami, inti thei, dam leh tlangkhat ah, thih leh ruamkhat ah ti a, lungrualtaka ram tana ke pen tlang tham chauh kan nihna lai a awm laiin, Politics ah chuan chuchu thil theih a ni chiah lo na a, tun a LADC Politics a innawrna kalmek ah hian, a tute lam ve ve pawhin an tum chu mipuiten an hre vek tawh a, tlawmzawk nih tum lova innawr buai fo mai hi ram ang pawn zahthlakna chin la thlen thei niin a hriat a, ram leh hnam hmel mawi zawk nan, ngawi ngam zawk awm se a duhawm viauin a hriat a ni.