Nimin kha Lawngtlaia Kohhran hmasa ber BCM Lawngtlai Vengpui Kohhran kum za (Centenary) tlinna a ni a. Covid-19 avangin lawm rem lo mahse zingkar ah BCM Lawngtlai Area-a Executive Secretary Rev. R. Lalnunzira leh Bialtu Pastor Rev. Laltanpuia Colney hovin Upa leh Rawngbawltu te'n Centenary hriatrengna Monument hawnna leh Souvenir Magazine tlangzarhna hun an hmang.
BCM Lawngtlai Vengpui Kohhran hi November 2, 1920-a din niin he Kohhran atang hian Kohhran hrang hrang panga indang leh chhuak an awm tawh a. Tunah hian BCM Lawngtlai East Pastor Bial-ah awmin BCM Lawngtlai Vengpui Kohhranah hian Kohhran chhungkua 103 awmin member 488 an awm mek a ni.
Kohhran Centenary lawm tura Kohhran hote nasa taka an inbuatsaih laiin Covid-19 hri lêng avanga a lawmna programme engmah buatsaih theih ni lo mahse tukin zingkar khan Sawrkar phal chin mi 20 aia tam lo Kohhran hruaitute hovin Rev. R. Lalnunzira, Executive Secretary, BCM Lawngtlai Area-in Centenary hriatrengna Monument a hawng a, Bialtu Pastor Rev. Laltanpuia Colney-in Souvenir Magazine a tlangzarh bawk.