State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu nimin tlai dar 5:00 thleng khan mi 35 a ni a. An zinga mi 31 chu (COVID-19 positive Lawngtlai CCC-a enkawl mi 11 telin) facility quarantine niin, mi 4 chu home quarantine an ni.
Niminah lo thlen belh an awm lo va. 38 RDS Camp-a home quarantine lai mi 15 chu anmahni khung hran hun bi a kim tawh avangin chhuahtir an ni thung.
Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 682 leh Rapid Antigen Test hmangin sample 1666 endik tawh a ni a.
Tun dinhmun ah positive case 100 hmuh chhuah tawh niin, dama chhuak 88 an awm tawh a. Positive enkawl lai mi 12 (M-9; F-3) zinga hmeichhe 1 chu ZMC-ah enkawl niin, a bak mi 11 chu Lawngtlai CCC-ah dah an ni.