Nimin khan Lawngtlai District chhung a Infiamna lam a hmasawnna tur Project 14, cheng Nuai 12044.20 senna tur chu Chief Minister Pu Zoram thanga'n biakhmuh theihna hmangin Chief Minister Cabinet room atangin khuhhawnna a nei a, hemi rual hian DC Conference Hall, Lawngtlai ah DC Dr.Andrew H.Vanlaldikan a nei ve bawk.
Sport Secretary Pu H.Lalengmawia kaihhruai ah hian Chief Minister Pu Zoramthanga chuan, hripui leng kar ah cheng nuai sing chuang sennatur Project bultan chu hrethiamlo a awmtheih a, Sortkar laipui chuan hrileng vanga hmasawnna hna a chawlh thuap chu a remti lova, heivang hian Lawngtlai District a infiamnna lam a hmasawnna ruhrel dinna tur chu kalpui a ni a ti a, pawisa hi hmanna tur bik awmsa a nih vangin, thildang ah pawhpen theih a nilo a ni a ti.
Pu Zoram thanga chuan Mizoram chhimlam hi hmasawnna bul tan nan hmunhma tha leh remchang a tam a, hripui leng te a kian hun ah, beihpui thlaknan Sorkar chuan a enzawn a ni a ti a, tuna Infiamna lama hmasawnna ruhrel dinna tur Project 14 zet, a rual a hawntak ah pawh, a hlawhtlinna atan ram mipuite inpekna a pawimawh hle dawn a ni a ti a.
Autonomous District Council inthlan hnai tawh tak ah Central Sorkar in mipui ah enge sawi a duh tih te, State Sorkar sorkar in enge sawi a duh tihte chu mipui ten an ngaihven a tul a ni a ti.
Sport Minister Pu Robert Romawia Royte pawhin thusawiin, Lawngtlai District chu bultan nan hman a ni a, District dang ah pawh kalpui zel a ni ang a ti a, Pu H.Biakzaua Lawngtlai East Bialtu MLA, Vice Chairman Agriculture Development Board chuan lawmthu sawiin, State Sorkar in Lawngtlai District chungah duhsakna a hlan zawng zawng ah Chief Minister leh a thawhpuite chung ah lawmthu a sawi.
Project 14 nimin a khuhhawnna neih tak te hi, District Sports Complex, Astro Turf Football Grounds, Volleyball Courts, Community Services Centree, Chawngte Girls Hostel, IT&Skill Development Centre, Coaching Projects, Residential Sports School, Basketball Courts, Lawngtlai Community Centre, Lawngtlai College Hostel, Smart Classrooms, Lai Dance & Music Centre leh Fit Mizoram Project te a ni.