Mizoram ah LADC aia Politics sanna hi a awmlo hial maithei, a nawlpui hian inthlan dawn ah phei chuan Politics hi kan buaipui ta emaw tih maitur khawpin ngaihven a hlawh a, hetianga ram inrelbawlna, mipuiin an ngaihven thin hi a hlu khawp mai.
Politics hi tutennge khel fuh a kan hriat a, tutenge Politician tha ah kan ngaih tih hian ram hmasawnna ah nghawng a neilian viau a, kan ngaihsan leh ngaihhlutte hi kan dinhmun tehna thatak a nih vangin, Tutenge Politics khel fuh kan tih ? tih hi inthlanhun hnai tawh takah hian zawhna pawimawh tak a ni thei in a rinawm.
Politics chu mitlemte ten hlawkna an tel theihna tur a, mitam tak ten at an sona anga sawite pawh an awm thin a, an thlirna a diklo miah lova, Politics virvel hian a thlendik tir fo si vang hian, Democracy ram ah mipui ten hmasawnna tak tak hi an neihtheihloh phah thin in a hriat a ni.
Politics hian kumhnih/khat a hausak thutna a kengtel lova, Politician tha chu, a ram tan a insengral zawk thin tih te chu, thudik tluangtlam pangngai, ngaihven hlawh lemlo ah a tang fo thin hi a buaithlak lai a ni thin a, Mipui lam hian tutenge ram hmangaihtu tih hi thlir duh ila, voters tamtak awmna nilemlo, MDC bial ah hian mitha hi an chhuak foin a rinawm a, chu chuan ram inrelbawlna ah nghawng a neilian tual tual anga, kum tam a ngai miah lovang, ram hian hmasawnna duhawm zawk a neih phah ngeiin a rinawm.