Lai Autonomous District Council inthlanpui chu thlathar December 4 khian neih a ni dawn a, nimin khan inthlanhun tur leh tulpawimawh dangte chu State Election Commission chuan tichhuakin, nimin vek khan Returning Officer, Lawngtlai DC, Dr. Andrew H.Vanlaldika chuan inthlanna atan hriattirna a tichhuak nghal.
Nimin tlai khan Lawngtlai DC chuan a Office Chamber ah Lawngtlai a thuthar thehdarhtute kawmin, inthlan hun tur hriattirna tihchhuah a nih thu sawiin, Election Model Code of Conduct pawh hmantan nghal a ni a ti.
Inthlanna felfai tak neih a nih theih nan Political Party leh mipuite chu an tihtur leh tihloh tur thataka zawm turin a chah a, Hrileng vangin inthlanna kumdang a neih ang aiin inkhuahkhirhna pawh a khauh tur thu leh kaihhruaina pawh duanfel vek a nih tawh thu Returning Officer hian Thuthar thehdarhtute a kawmna ah hian a sawilang tel.