Council inthlanpui neih huntur chu reilote ah puan mai a nih a rinawm a, hmun tin deuh thaw ah LADC Election neihtur chu tititui ber a ni chho mek a, LADC huamchhunga awmte aia Politice virvel ngaihven leh, a nawlpui a buaipui hi Mizoram hmundang ah an awm lo maithei.
Hetiang khawp a Politics buaipuitute hian, engvanga buaipuinge an nih tih hian ram hmasawnna a kentel tlat vangin a pawimawhlai tak niin a hriat a, mipui nawlpui hmasawnna tur te, Council in thuneihna sang zawk a neih theihna tur te hi mipui hian an veiphak a pawimawh a, ka chumi, ka khami a ni a, tih vel a kan duhsak zawngte vote khawnkhawm sak hian ram hnuk a khawih pha tak tak lo tih kan pawmngam a hun tawh in a hriat a ni.
Political Party te hian enge mipui ah an zawrh dawn ? Manifesto hian engvanga awmzia nei tak tak thinlonge a nih a, vote huikhawmnan engatinge a tangkai nep riau thin le ?
Political Party te hian ram hnuk khawihpha, ram hruainan a an tihhlawhtlintur duang se, chumi mil chuan ram hruaingam se, inthlan dawn apiangin mipui lam hian tutenge kan vote ang ti a hawilam tur an dap ang hi, Council Area mipui tamtak awmna ni lemlo ah chuan a nuaireh maiin a rinawm a, ram hmangaihtu diktak ten ram an hruai anga, an hruaina hnuai ah tute emaw dingchhuak bik awmlovin, a nawlpuiin awmzia an nei ngei ngeiin a rinawm a ni.