Hrileng kar ah PWD Lawngtlai Division chuan khawpui chhung a an enkawl kawngpui chhelai thawmthat hna an thawk mek
PWD Lawngtlai Division te hian Lawngtlai khawpui paltlngtu National Highway-54 tihloh, khawpui chhung a an enkawl kawng te chu tunlai hian an thawmtha mek a, kawng khuar lai te hnawh in, kawngkam hnim te an samfai deuh reng bawk a, hrileng kar ah fimkhur takin hna an thawk thin tih kawng enkawltute chuan an sawi a, November thla chhung hi chuan, kawng khuar ngaimawhawm laite chu an thawmthat zawh hman a beiseiawm.
Hetihlai hian Lawngtlai khawpui paltlang, National Highway 54 chu NHIDCL enkawlna hnuai a awm a ni a, khawpui chhung kawngpui hi hmun thenkhat ah chuan lirthei tan tlan hrehawm khawpin a chhiatna lai a awm nual tawh a, Lawngtlai DC chuan kawng enkawltute chu khawpui chhung kawng siamtha tur a a hriattirna chu, NHIDCL hotute chuan, ruahtui kang hun ah hna hmasa a an neihtur thu an lo sawi tawh a, November thla chawhnu lam hi chuan hna an tan theih an beisei thu an sawi.